Sut mae gwneud copïau wrth gefn om ffeiliau?

Mae’n bwysig eich bod yn gwneud copïau wrth gefn o’ch ffeiliau yn rheolaidd ac yn gwneud yn siŵr bod gennych chi bob amser fwy nag un copi o bob ffeil, i gyd wedi’u cadw ar gyfryngau gwahanol. ( Pam hynny? )

I wneud copïau wrth gefn o ffeiliau yr unig beth sy’n rhaid i chi ei wneud yw eu copïo i gyfrwng gwahanol. ( Sut mae gwneud hynny? )

Bydd pa gyfrwng yr ydych yn ei ddewis yn amodol ar ba galedwedd sydd ar gael i chi; faint o ddata sy’n rhaid i chi wneud copi wrth gefn ohono a pha mor aml y mae’n rhaid i chi wneud copïau wrth gefn neu ddefnyddio eich copïau wrth gefn. Bydd y dechneg ar gyfer creu copi wrth gefn hefyd yn amodol ar y cyfrwng a ddefnyddir.

Dyma rai o’r gwahanol gyfryngau sydd ar gael:

• Storfa Ffeiliau’r Brifysgol (Gyriant M:)
  Mae’n dal 2 GB o ddata; gellir cael mynediad ati o unrhyw gyfrifiadur sydd wedi’i gysylltu â’r rhyngrwyd ac mae copïau’n cael eu rhoi ar dâp yn rheolaidd gan Gwasanaethau Gwybodaeth. ( Ceir rhagor o wybodaeth yma ).
• Gyriant USB
  Mae’r lle sydd ar gael ar yr USB yn amrywio – y mwyaf o ddata mae’n ei ddal y mwyaf y bydd yn ei gostio. Gellir defnyddio co’ bach ar unrhyw gyfrifiadur sydd â phorth USB. ( Ceir rhagor o wybodaeth yma ). Gellir prynu gyriannau co’ bach gan y Gwasanaethau Gwybodaeth
• CD RW/ROM
  Mae’n dal 700MB o ddata. Bydd yn rhaid i chi gael mynediad at yriant CD-RW. Mae’r rhain ar gael ar yr holl gyfrifiaduron yn yr ystafelloedd cyfrifiaduron . ( Ceir rhagor o wybodaeth yma ). Gellir prynu CDs gan y Gwasanaethau Gwybodaeth .
• DVD R/RW
  Mae’r lle ar y ddisg yn amrywio rhwng 2.40 GB a 15.9 GB. Bydd yn rhaid i chi gael mynediad at yriant DVD RW. Mae’r rhain ar gael ar yr holl gyfrifiaduron yn yr ystafelloedd cyfrifiaduron. . Gellir prynu DVDs gan y Gwasanaethau Gwybodaeth .
• Gyriant caled allanol
  Mae’r lle ar y ddisg yn amrywio (fel rheol gan ddibynnu ar faint yr ydych yn ei wario). Gellir prynu gyriannau caled allanol gan y Gwasanaethau Gwybodaeth .